Opgedateer op 25 Januarie 2012
Welkom by my webblad waar ek my genealogeise boek - Botes Stamregister & kwartierstaat - aan u bekend stel.
Die Kwartierstaat gedeelte van die boek sluit die volgende vanne in : Oosthuizen, Botha, Putter, Du Preez en Shafer.
Aankondiging : EK wens elkeen 'n voorspoedige 2012 toe en glo dat God elke tree saam met ons sal wees. Ek het besluit om my boek se prys te verminder na slegs R200. Plaas dus vandag nog jou bestelling.
My naam is Willie Johan Botes en ek het die afgelope 20 jaar se navorsing en insameling van relevante informasie omskep in boek vorm - die Botes stamregister & Kwartierstaat. Die hoofdoelwit van hierdie boek is om 'n erfstuk aan ons nageslagte na te laat sodat hulle eendag met trots kan terug kyk en weet wie hulle voorvaders was.
Om hierdie doelwit te bereik moet ek poog om soveel as moontlik gesinne op te spoor wat bereid gaan wees om hierdie boek aan te koop en in die hande van hulle eie kinders te kan plaas. Ons kinders is ons toekoms en na ons afsterwe gaan dit hulle verantwoordelikheid wees om hierdie tipe erfstukke weer aan hulle kinders te bemaak.
My tweede doelwit met hierdie boek is om mense te prikkel om dmv die basis van hierdie boek self te begin delf in sy/haar eie familie stamlyn. Hierdie boek kan geen aanspraak maak op volledigheid nie aangesien daar steeds baie mense is wat nog nie bewus is van my boek nie en as gevolg daarvan is hulle informasie ook nie in my werk vervat nie.
Deur middel van hierdie bekendstelling wil ek diegene betrek om hulle info met my te deel sodat ek my huidige werk op 'n gereelde basis opgedateer kan hou. Ek is dus grootendeels afhanklik van elke belangstellende se betrokkenheid om hulle informasie met my te deel.
Ek rig dus 'n vriendelike versoek aan elkeen wat my webblad besoek om asb julle familie info met my te kom deel dmv die informasie vorms wat op my blad beskikbaar is. Ek poog gedurig deur om nuwe informasie met my bestaande informasie te laat oplyn aangesien ons op die einde van die dag almal afstam van een stamvader.
Ek raai elke belangstellende aan om hierdie boek van my aan te koop en my te help om my doelwitte te bereik nl om 'n erfstuk vir ons nageslagte na te laat. Deel ook dan in die proses julle info met my sodat ek my data opgedateer kan hou.
Na die publiseering van my boek het ek met GISA (Genealogiese Instituut van Suid‐Afrika) en GGSA (Genealogiese Genootskap van Suid-Afrika) geskakel en hull verwittig van my boek. Elkeen van hulle het aan my bevestig dat hierdie boek van my die eerste amptelik gedrukte boek oor die Botes stamregister in Suid-Afrika is. Ek het 'n gratis kopie aan GISA geskenk wat dan nou in hulle biblioteek uitgestal sal word. GISA het ook goedgunstiglik ingestem om my boek op hulle webblad bekend te stel
My boek is gedruk deur Groep 7 drukkers en word ook op hulle BLOG bekendgestel.
Indien julle bereid is om deel van die geskiedenis te word en aan julle kinders 'n erfstuk na te laat kan julle my boek bestel.
Onthou ook om julle familie info met my te deel dmv die vorm in te vul en aan my te e-pos by williebotes@mtnloaded.co.za of i_believe_rich@hotmail.com
|
| Subscribe to Botes Stamregister |
| Visit this group |
Botes famlie navorsing. Hiermee word gepoog om soveel as moontlik informasie oor die Botes familie te bekom sodat ek my huidige boek kan aanvul met opgedateerde informasie. My genealogiese stamregister en kwartierstaat boek is nou beskikbaar vir bestelling. Hier kan jy jou nageslagte ontdek en ook meer leer oor die betekenis van name.