Opgedateer op 06 Mei 2013
Welkom by my webblad.
Van die vroegste tye af het genealogiese navorsing die mens geprikkel en wou hulle weet wie hulle voorouers was. In vandag se tye is dit nie veel anders nie aangesien ons steeds opsoek is na persone uit die verlede met wie ons kan identifiseer. Die feit dat jy hier lees maak jou ook een van hierdie mense.
Aankondiging
My tweede uitgawe vorder baie goed. Ek beplan om dit bekend te stel op 31 Augustus 2013 by die jaarlikse Genealogiese fees wat by die Lynwood gemeente in Pretoria gehou word. Ek nooi elkeen uit om hulle familie info vir my te stuur sodat ek dit in hierdie nuwe boek van my kan vervat. Voorlopige bestellings kan ook geplaas word (prys nog nie bepaal nie) deur my te e-pos by williebotes@mtnloaded.co.za of die aanlyn vorm in te vul. Jy sal onder geen verpligting wees nie. Die aantal bestellings sal my help om n beter prys by my drukker te beding wat die boek meer bekostigbaar sal maak. Die tweede uitgawe gaan meer as net 'n stamregister behels. Met die register probeer ek soveel as moontlik vanne insluit, dus hoe meer informasie ek bekom hoe vollediger sal die boek wees.
Bestel die eerste uitgawe vir slegs R243 posgelde uitgesluit. Met my nuwe projek om my bydra te lewer om renoster stropery te bekamp gaan ek 'n verdere 15% van elke boek wat verkoop word skenk aan 'n organisasie wat bemoeid is met die bekamping van resnoster stropery.
Om hierdie projek dus 'n sukses te maak versoek ek elke leser van hierdie webblad om 'n kopie te bestel en my projek so wyd as moontlik te versprei en met ander te deel. Ek gaan ook binnekort 'n blad hier skep wat sal handel oor my projek.
Boek handelaars kry korting, sien die boek handelaars en winkel skakel vir meer details.
In Junie 2012 het ek my eerste stel boeke aan Protea Boekhuis in Pretoria verkoop. In November 2012 is my tweede stel boeke aan Clark's Bookstore in Kaapstad verkoop. Baie dankie aan die twee boekwinkels wat besluit het hulle koop my boek.
Ons hier in Suid-Afrika is nie veel anders nie aangesien ons oor ‘n baie ryke geskiedenis beskik. Vir baie Suid-Afrikaners is hierdie geskiedenis egter net stories maar die hinker na die verlede neem ons dan terug in tyd. Die verlede is vir altyd verby en ons kan dit nie weer terug kry nie maar ons kan dit wat daar gebeur het of wie daar geleef het bewaar vir die geslagte wat na ons kom.
Sowat twee en twintig jaar gelede het ek ‘n indringende studie van my familie en sy vertakkings begin maak en dit uiteindelik in 2010 te boek gestel (eerste uitgawe). Daar is baie mense in Suid-Afrika wat graag dieselfde wil doen maar nie oor die nodige kennis aangaande genealogie beskik nie. Beteken dit nou dat ons almal skielik na ons voorouers begin soek aangesien ons nie een weet wat die toekoms vir ons inhou nie of is dit bloot ‘n fase in die Suid-Afrikaanse samelewing wat, soos tyd, ook maar sal verby gaan?
Dit maak egter nie saak wat die rede hiervoor is nie, die genealogiese vakgebied in Suid-Afrika spog met genoegsame kundiges om hierdie fase van ons lewe te laat voortleef van geslag tot geslag. Tog is daar baie opgewonde mense daar buite wat dit steeds moeilik vind om hulle duistere stambome te ontblaar. Die rede hiervoor is dat hulle nie weet waar om te begin nie of bloot nie die tyd het om hierdie taak aan te pak nie.
Gelukkig is daar talle navorsers in Suid-Afrika wat reeds baie werk gedoen het om hierdie leemtes te vul. Genealogiese navorsing is nie ‘n maklike taak nie en moet verkieslik met handskoene aangepak word.
Nadat ek my eerste genealogiese boek (Botes Stamregister & Kwartierstaat) gepubliseer het, het die vraag by my ontstaan waarheen nou?
Die antwoord was eenvoudig. Begin om soveel as moontlik Suid-Afrikaanse vanne te verbind met die data wat in my eerste uitgawe gebruik is. Wat bedoel ek deur hierdie stelling te maak? Ek het besluit om soveel as moontlik genealogiese data te versamel en hulle dan op die een of ander manier met mekaar te verbind. Data wat dus nie op een of ander manier met mekaar verbind kan word nie gaan dus tot die minimum beperk word.
Op die manier poog ek om ‘n produk daar te stel wat deur alle Suid-Afrikaners benut kan word. Hoe meer data ek kan versamel en verwerk hoe meer vollediger sal die eind produk wees.
Hierdie tweede uitgawe van my genealogiese werk kan dus as basis dien vir enige persoon wat ‘n belangstelling in genealogie toon maar nie weet waar en hoe om te begin nie. Om hierdie tweede uitgawe van my suksesvol te kan aanbied nooi ek u uit om u familie info met my te deel sodat ek dit effektief met my bestaande data kan verbind.
Laai gerus die familie info dokument af, voltooi dit en e-pos dit na williebotes@mtnloaded.co.za of i_believe_rich@hotmail.com
Sluit aan by my facebook blad Van Toeka tot Nou
|
| Subscribe to Botes Stamregister |
| Visit this group |
